mexíkóski mánuðurinn er mættur

September er mánuður sem inniheldur bæði daginn sem Mexíkanar fengu sjálfstæði, og daginn sem bylting var gerð gegn vondum einræðisherra...og því Mexíkanarnir óspart - en á þessu ári eru liðin 100 og 200 ár síðan þannig það er algjör bomba! strax er búið að setja upp fullt af skrauti í skólanum mínum og um borgina eitthvað. Verður svo fagnað um land allt með skrúðgöngum, flugeldum og nóg af fiestas! finnst reyndar frekar spes að hafa risastóra skrúðgöngu sem mér var sagt að væri bara frekar hættuleg: og það vegna þess að margir skutu upp í loftið og detta kúlurnar aftur niður og fjöldi fólks deyr...(veit ekki hversu margir eða neitt en leist nú ekki á það..)

vil bara segja samt að það er mun þægilegra að koma með þetta í stærri skömmtum...tímasetningin bara hittist svo oft þannig á..he he he

ætlað segja bara frá einhverjum hlutum hérna hinum megin, en það er ekkert hægt að setja allt hérna inn og alltaf geri ég eitthvað skemmtilegt á hverjum degi!

-á mánudaginn kynntist ég nýju fólki (já fyrir 2 vikum fyrirgefið), þeas fólk sem að æfir reglulega saman og spilar! var bara gaman að því og er ég oft farin að hitta þau núorðið, hvort sem það er að spila eða gera eitthvað allt annað. Eru þau nokkur með fastan tíma að spila á einu mjög huggulegu kaffihúsi í bænum og var gaman að kíkja á þau :). En um kvöldið var kveðjuboð fyrir Allen, en hann fór á miðvikudeginum. Öll fjölskyldan og nokkrir vinir mættu og var það bara gaman. Eftir að fjölskyldan fór voru nokkrir vinir eftir lengur og fannst þeim gaman að skoða íslandsbókina...fékk spurningar á borð við: eru villtir hestar á Íslandi? og þekkiru alla á landinu? hah. þeim fannst líka mjög fyndið að spurja hvort ég væri skyld hinum og þessum í bókinni, þaes eins og er þetta pabbi þinn? þetta frændi þinn? hver er þetta? hahahah en þeim fannst hins vegar frekar sjúkt að við værum eiginlega öll skyld eftir nokkrar kynslóðir...
Svo kynntist ég náttúrulega honum Paulo Alejandro nýja besta vininum mínum hérna úti, en bara ef hann væri aðeins stærri en 15cm að lengd, en ekki mundi heldur skemma fyrir ef hann gæti gert e-ð annað en að mjálma allan daginn

-daginn eftir, síðasta dag Allens, fórum við út að borða nokkrir vinir í hádeginu, en fórum svo fjölskyldan í sushi um kvöldið var með Allen nánast allan daginn sem ég var ánægð með. Ekki alveg nógu sátt með að hann fór!

-miðvikudagurinn var afmælisdagur hjá einni af okkur og var farið út um kvöldið allir skiptinemarnir:) sem var mjög gaman, því ekki oft sem við förum eitthvað alveg öll, hefur alltaf vantað alveg nokkra, en þarna vantaði bara þá japönsku að mig minnir.btw alltaf jafn mikið fjör að sitja aftur í pallbílunum hehe

fimmmtd: borðaði eitthvað skrýtið í skólanum (stykki sem leit út eins og lítið burrito en var þá bara gegnheilt og frá maís...samt alls ekki baunir, en svo var bráðnaður ostur yfir og baunadót við hliðiná...samt alveg fínt en spes), vesenaðist aðeins fyrir visað, æfði með vinum mínum, keypti mexnammi og fórum svo á kaffihúsið 'okkar' eftir á! fékk frían frappó :) (fáum oft fría drykki þar þar sem þau þekkja starfsmennina vel og yfirmanninn) fannst líka mjög gaman að gera fullt af plönum og svona. Er mjög ánægð með fólkið hérna, virkilega hresst og skemmtilegt, og þetta verður bara betra eftir að spænskan verður komin á hreint!

-á föstud fór ég ekki í skólann því við ætluðum að klára allt fyrir visað, en eg misskildi samt Cecy þannig ég vaknaði eldsnemma, en ég fór þá bara með henni í gymmið í staðinn. fórum í spinning tíma og svo pilates eftir á hahah jesús, formið mitt er bara næstum því vandræðalegt strax...Í spænskutímanum héldum við uppá afmælið hjá Flaviu (þótt það var á miðvd) og kom kennarinn með köku og við með rest :) það var bara gaman! um kvöldið var svo haldið í sundlaugarpartíið í la primavera (en það er svona arnarnes Culiacán) sem var bara fjör

-á laugardaginn ákvað ég að vakna til að sjá TH spila sem var ekki sniðugt. ömurlegi leikur haha. en já, svaf heillengi en fór svo með Obed og við æfðum með hinu fólkinu sem að spilar á kaffihúsinu(bassaleikari, slagverksleikari, hljómb.l, söngkona, basunul og sax+þverfl.l :))! bara gaman þar eins og venjulega! um kvöldið fór ég í afmæli hjá bekkjarsystur minni sem var bara fínt :)

-sunnudagur: dagurinn á ströndinni! var æææði
fór með 2 öðrum skiptinemavinkonum mínum herna (Deboruh og Juliu) og fjölskyldu annarrar (sem býr í primavera). Keyrðum í tæpan klukkutíma og var gaman að sjá umhverfið. Fengum líka bara snilldarveður! fórum í sundlaugina (sem var flott), sjórinn var volgur og ótrúlega gaman að fara langt fram í hann þar sem hann hélt áfram að vera svona 1.50 á hæð og alltaf meiri og meiri öldur! fengum fínasta mat svo hjá stórfjölskyldunni sem var mætt á svæðið, lærði enn eitt fjölskyldufjárhættuspilið og svo var spilað blak! þetta var algjör snilld bara! fékk líka loksins lit! og tókst að brenna aðeins þótt að ég bar á mig 30 vörn ca 10x yfir daginn! Pabbinn hennar Juliu líka algjör snillingur. veit ekki hvað ég hló mikið af honum hahahah

á mánudaginn og þriðjudaginn var ég með spilavinunum og fórum við að borða og tjilluðum hjá ánni og svona:) rosa fínt og gaman! hittum líka 1stk ameríkana (ég og Johann, þjóðverji) sem bauð okkur vinnu við að kenna tungumál...
á miðvikudaginn fór ég með Obed að taka upp hjá vini hans og var það í hverfi sem ég hafði ekki komið í fyrr, en það var í stéttinni fyrir neðan, og sá maður alveg muninn. Samt eru til mun fátækari hverfi hérna líka en ég hef bara keyrt framhjá þeim, ekki komið við þar! Var bara gaman (þó ekki var þetta mjög prófessíónalt haha) en svo eftir spænsku tíma kom vinur Johanns að sækja okkur og við fórum í Campestre, sem er sportsclub í bænum. Var svo gaman! Spiluðum tennis! og rétt skruppum í sund eftir.. en það er svo gaman í tennis! Bara svo mikið útlönd og góðar minningar tengdar alltaf! var mjög ánægð með það! heima bjó ég mér til boozt en með smá mexikosku ívafi, en varð ég að nota jógúrt í staðinn fyrir skyr. hins vegar bættist við ferskt papaya og Jamaica (sem er drykkur sem er gerður frá blómum, og finnst fólki hann misgóður. mér finnst sá sem er keyptur ógeð, en heimagerðir ferskir góðir:) ), + allt þetta venjulega að sjálfsögðu. Ceciliu fannst ekki mikið varið í þetta en Aaróni fannst þetta gott! hahah
það er æðislegt veður í dag. á morgun eiga svo skiptinemarnir frá Mazatlan að koma í heimsókn yfir helgina og er víst eitthvað plan fyrir hana, eigum að fara á ströndina og eitthvað. þau eru eitthvað í kringum 10 skilst mér og verður bara fínt að hitta þau (þó mig hefði frekar langað annað á mrg! :s)
hef samt fulla trú á að þessi helgi og næsta vika verði jafn góð!

ps finnst frekar spes hvað það hlytur að vera e-ð af skrytnum efnum í mjólkurvörunum hérna miðað við að þær geymast í frekar langan tíma....og það ekki í ísskáp. veit ekki alveg haha

ooog hinar og þessar myndir núna og bara litlar svo þær taki ekki billjonfalt pláss!

í sundlaugarpartíinu

the dancing fountains! gaman að þessu og ekk skemmdi fyrir dýrindis tónlistin undir

þurrkað leche...við þrjú stútuðum stórum kassa á örfáum dögum..

í spænskutíma einhverntímann

já ég veit heldur ekki hvað ég er að gera 

gellis í skolanum

skemmtum okkkur í blaki þó að ekki væri það grand

xxxxxxxxx