el premier día en Culiacán!

Jæja! þá er ég loksins búin að leggjast fyrir framan tölvuna til að gera fyrsta bloggið! ætli maður byrji ekki bara á byrjuninni....og já þetta gæti orðið frekar langt þótt þetta sé bara einn dagur

Fyrsta flugið mitt var kl 5 frá Keflavík til NY. Þessi ferðasaga er nú ekki beint spennandi þannig ég segi hana bara i helstu atriðum...fyrsta flugið var ca 5 klst og gekk fínt, svaf mestallan tíman þar sem að skjárinn minn vildi ekki sýna mér nema einn family guy þátt...þá var farið á JFK þar sem þetta skýrðist fljótt og örugglega hvað ég ætti að gera, þetta gat ekki orðið vandamál :) ég beið í röðinni í check-in-ið fyrir mexico flugið mitt í klukkutíma reyndar en gat svo fengið mér sushi og eftir það frappó og muffin á starbucks! flugið frá NY til Mexico City var um 4 og hálf klst en leið ágætlega hratt. Flugvöllurinn þar er hins vegar ekki það vel merktur og ég þurfti að spyrja nokkuð oft til að vera viss um að gera rétt en það reddaðist. Smakkaði svo einhverja mexikóska pítu með grænm sem var bara góð:) síðasta flugvélin var bara næstum tóm svo það var fínt að fá heila röð fyrir sig til að sofa á.

Á endanum fann ég töskuna mína úr síðasta fluginu og gekk út, en fann ekki fjölskylduna þannig að ég hringdi en þá höfðu þau verið að bíða hinum megin á flugvellinum með skilti hahah (dúllur), Cecilia (mamman) og Allen (yngri bróðirinn) komu að sækja mig. Viðurkenni samt að mér fannst frekar ógeðslegt að sjá eina pödduna sem var þarna inni....

Það var rosa gott veður í mrg ekki heiðskýrt en mjög bjart og heitt! Ég fór strax að tala um hitann (ca31°um morguninn) og þau hlógu bara því það verður svo miklu heitara seinna um daginn, hvað þá í sólinni haha Þau eiga ágætis jeppa og búa í svona lokuðu hverfi (ein gata með hliði fremst til að komast inn) og eru húsin svipuð og á spáni (eða það eina sem ég get hugsað líkt). Þegar við vorum að keyra heim leið mér bara eins og í einhverri bíómynd bara útaf hvernig húsin og göturnar litu út hehe

Cecy sýndi mér svo um húsið og fína herbergið mitt uppi! svipað stórt og mitt heima með stórum fataskáp og svo sér baðherbergi fyrir mig! stórt rúm og er með góða loftkælingu + ágætis hljómborð!

Þau eru með píanó (svona gamalt lágt) og Allen var líka með í láni gítar, harmonikku, munnhörpu og á sjálfur microkorg þannig held að ég sé bara mjöög vel sett! auk þess að eldri bróðirinn setti upp fyrir mig sjónvarp inn til mín! alveg magnað.

Eftir að hafa sýnt mér húsið fékk ég smá að borða, og ekki nema quesidillas haha og já tortillurnar hér eru miklu betri en heima! meira mais bragð einhvern veginn. Eftir að hafa fengið smá að borða ákvað ég að leggja mig aðeins eftir ferðalagið og sagði Allen að ég mundi kannski sofa í svona klukkutíma kannski og stillti vekjaraklukkur en neeei vaknaði ekki fyrr en eftir 4 eða 5! brá samt rosalega þegar ég leit á klukkuna og hélt að ég hefði sofið alveg til um 8 um kvöldið en þá var það íslenskur tími hehe

Ég, Cecy og bræðurnir héldum þá út að borða! fórum á los acros sem er sjávarréttastaður. Ótrúlega litríkur staður. bókstaflega. ég hafði að sjálfsögðu ekki hugmynd um hvað ég átti eða væri að panta, en þessi staður hafði mikið af rækjum og svo fisk og meira. Ég valdi bara einhverjar rækjur, hafði minnstu hugmynd um hvernig þær kæmu eldaðar. Í forrétt hafði Cecy pantað fyrir okkur rétt sem er djúpsteiktir chili sem er troðinn af fiski inní. Hljómar skrýtnara heldur en það er:) en það var bara rosa gott! Samt frekar sterkt þegar að fræin komu.......

Rækjurnar mínar voru í stærri kantinum, djúpsteiktar (ekki samt jafn feitar og t.d. þú færð á nings) og búið að velta þeim í kókos eða eitthvað og bornar fram með sósum, kartöflumús og brokkolíi og gulrót. Mér fannst samt skemmtilegast þegar að ég fattaði að (eða Allen sýndi mér) að þjónninn hefði komið með heitar tortillas, og gat maður þá sett matinn sinn í og borðað þannig! mér fannst það mjög gott :) Ég var hins vegar langt frá að klára matinn en fékk hann bara með heim...ennþá skemmtilegra var þegar ég og Cecy fengum rósir þegar við vorum að fara og allir sleikjó - eeeekki leiðinlegt það!

fórum heim og svo fór ég með Cecy i supermercado (Wal mart). Keyptum fullt af ávöxtum, þ.á.m. eitthvað sem ég er ekki vön heima, eins og fersk kókoshneta og papaya og fleira. Var svo bara að koma heim :)

svo megiði endilega kommenta fyrir neðan líka ef þið viljið spurja um eitthvað :)

þangað til seinna

xx