já

- ferðin til Guadalajara í janúar var ekki síðri en hin! Fór með Jóhanni og Júlíu og vorum með vinum okkar og fyrrverandi bróður mínum allan tíman. Fórum meðal annars á tónleika með The Whitest Boy Alive sem var líklega hápunktur ferðarinnar!

whitest boy alive :)

- febrúar leið rosalega rólega. Æðislegt að geta nýtt tíman hérna líka í að slaka á, held að 5 helgar í röð hafi verið eins hjá mér - föstudagur farið út með vinunum,  laugard farið á Altata með familíunni og Violu og síðan farið eitthvað um sunnudagskvöldið. Reyndar var virkilega leiðinlegt þegar ég steig á ígulker eða e-ð sambærilegt og gat ekki gengið venjulega í viku! Ég fór líka í mat til fyrrverandi fjölskyldu minnar sem var rosalega fínt og gaman að heyra almennilega í þeim :) Auk þess var ég mikið að spila tónlist með Rodolfo, en spilaði hann þá á harmonikku og ég bara á sax og síðan forum við ýmis niðri park-ið í bænum eða á kaffihús og græddum einhvern smá pening:)

að spila á kaffihúsinu :)

ég geeeet þetta ekki haha

- Herta kom síðan í vikuheimsókn í byrjun mars sem var rosalega fínt! eyddum miklum tíma á sundlaugarbakkanum, niður í miðbænum með hinum skiptinemunum, fórum til Altata og bara alls konar. Æðislegt að fá smá íslensku!

- mars var mjög góður mánuður (eins og allir!) og komu fleiri tilbreytingar með:) þeas gerði fleiri og fleiri nýja hluti! fórum fjölsk og hjóluðum um mjög fína fjallahjólastíga nálægt einu hverfinu hérna, prófaði wakeboard sem var voða fínt og alls konar. Fékk fleiri kitesurftíma og alls konar þegar að fullt af vinafólki bauð okkur í húsið þeirra og þar var aldeilis glamrað um kvöldin. Einnig var smá rótarí dót þarna í mars, en við vorum að hjálpa til í litlum viðburði í einum skólanum hérna sem var eitthvað svona international.

wakeboard :)

við að vera sæt :)

- Foreldrar mínir buðu mér síðan með þeim til Santa Monica í Bandaríkjunum og er ég bara nýkomin heim! það var rosalega gaman! vorum í húsi hjá frændfólki hpabba og líkaði mér bara vel við þau :) aðeins vesen að fara yfir landamærin (síðan fyndnast hvað það er ekkert mál að fara til baka!) en allt í góðu. Magnað samt hvað allir skilja spænsku í bandaríkjunum....frekar leiðinlegt bara haha. Um kvöldið sem við komum fann ég síðan skyr!!! það var næstbest í heimi. Fyrsta daginn fórum við í hjólatúr að skoða ströndina og bæinn, en mín ferð kláraðist á ströndinni þar sem að ég fann David Beckham! eyddi restinni af deginum í að fylgjast með honum! það var BEST. vá.
síðan var ferðin rosalega mikið bara róleg, farið að hlaupa á ströndinni, í hjólatúra, mikið yoga og svo var ég líka dugleg að versla :) Fórum líka á Ghetty safnið og í Ghetty villuna sem var áhugavert. Villan er endurgerð af villu sem fannst í pompeii og var gerð eins nákvæm og þau gátu ímyndað sér. Annars held að ég bara að ég hafi borðað amk eina skyrdós á dag! Keypti mini sax á einni ströndinni þarna (sem var soldið...bohemian...lyktin þar allavega ekki alveg eins og tíðkast annars staðar..en við fórum bara hratt í gegn haha) sem er bara eitthvað plaströr en ágætt hljóðfæri hahaha. Síðan ákvað ég að fara bara ein í six flags! ákvað að ég mundi bara kynnast einhverjum þar og það varð úr:) fann tvo þjóðverja í shuttle-inni sem ég tók á staðinn og var bara með þeim allan tíman :) héldum okkur bara í risatækjunum að sjálfsögðu! síðan var líka gaman á leiðinni til baka þegar við keyrðum í gegnum hollywood og beverly hills og rodeo drive, sáum t.d. staðinn þar sem að river pheonix dó og svona alls konar! síðan var bara haldið heim á leið daginn eftir.

mæðgurnar  fyrir ofan :)

SKYYYR <3

HÁPUNKTURINN

þjóðverjarnir mínir í six flags :)

- á morgun er síðan planið að fara í snekkjuferð! Okkur var boðið í ferð með vinafólki okkar, en þau eiga flugvél og snekkju! (hvorugt er huge en þust halló!) Við munum fljúga til La Paz (friðurinn, og bærinn stendur víst alveg undir nafni!) og vera síðan í bátnum í 5 daga! þá verður bara snorkelað, kite-að, og bara allt sem okkur dettur í hug. er bara farin að hlakka til! enda á þetta að vera mjög flottur staður! getið gúglað baja california og la paz mexico og séð hvað kemur upp :)

annars er þetta náttúrulega bara búið að vera fullkomin dvöl. hefði ekki getað beðið um meira! og þá er á ég meiraðsegja eftir að fara í la ruta maya. það verður geeeeeeeeeeeeeeeeeðveikt!
xxx

smá bara frá deginum í gær og deginum þar áður

Ég er í ótrúlegum lúxus. Sit úti í hengirúmi á bikiniinu með Elliott Smith á fóninum og varð hugsað til ykkar.  Erum í stóru flottu húsi uppi á hæð rétt fyrir ofan ströndina, með aðstoðarfólk á vinstri hönd og pálmatrén og sjóinn á þeirri hægri. Komum hingað í gær (ég, gömlu, viola og síðan systir pabba og vinur melissu sem á húsið) og byrjuðum á því að spjalla aðeins í sólbaði fyrir ofan sundlaugina, borðuðum gúrm mexíkanska smárétti en ákváðum síðan að hoppa uppá lítinn bát að skoða höfrungana sem eru hérna rétt hjá. Var æðislegt. Veðrið hefði ekki getað verið betra, og sólin settist þegar við sigldum að stórum flokk pelíkana sem hófu sig til flugs. Altata (ströndin, hér eiga líka foreldrar hostpabba hús sem að við förum oft í, síðast síðustu helgi og hélt ég áfram í kite-surf tímunum mínum J!)  liggur ekki beint að opnu hafi, en það er skagi sem liggur í svona km fjarlægð beint framan af ströndinni, en þetta er bara skagi þannig við fórum semsagt út úr þessum flóa sem skaginn myndar (hér eru aldrei neinar öldur að viti) þar sem að var bara beint út að opnu hafi. Komum svo við á enda skagans, og óóótrúlegt skelja úrval! Við Viola njóttum okkar vel þarna, og gamla steinasöfnunargenið mitt vaknaði…

Fékk síðan gott högg í andlitið í gær þegar ég nefndi það hvað þið fjölskyldan væruð núna í árlegu skíðaferðinni og var eitthvað að vera öfundsjúk..Viola gapti bara og sagði Eyrún! Þú ert í lúxus húsi á ströndi, við vorum að enda við að skoða höfrunga úti, erum að borða ótrúlega góðan mat…hvað viltu meira?! Vandróó..

þar sem að við stigum úr bátnum og fórum að velja skeljar, þetta eru foreldrar minir til vinstri, ég og Viola. mjög góð fjölskylda!

Við Viola höfðum líka tekið með harmonikku (sem ég er með í láni í augnablikinu) og gítar og sáum að okkur að spila um kvöldið. Alveg magnað hversu margar stjörnur maður sér hér líka, þar sem að maður er langt frá einhverri borg..

En nú hef ég varla látið vita af mér frá því í byrjun janúar, og þá var ég meiraðsegja komin í mínus.  Ætla samt bara að klára þessa helgi snöggvast til að setja eitthvað inn og ég reyni að klára hitt barafljótlega.

Í gær þá fórum við Viola fyrr en gömlu af því við höfðum einhverju að sinna í bænum. Fengum við því far hjá foreldrum hostpabba þar sem að þau fara alltaf svo snemma (voru í hinu húsinu). Það ætla ég líklegast ekkert að gera aftur en við viola vorum ágætlega hræddar í bílnum hjá ömmu! Þegar heim var komið þá heyrði ég í Rodolfo vini mínum og við fórum að æfa að spila heima hjá honum, erum að spila ýmis lög í frönskum stíl..þeas hann spilar á harmonikku og ég á sax, og erum m.a. að spila lög úr amelie og svoleiðis. Svo kom annar vinur, Gil, óvænt í heimsókn og var með ukulele-ið sitt þannig hann slóst í hópinn og vð fórum niður í bæ að spila. Enduðum á almenningsgarðinum niðri við ána rétt hjá mollinu og tókst að græða svona tvöogfimm + frítt nudd á staðnum fyrir þessa tæpa 2 tima sem við vorum! Nokkuð fínt bara. Seinna um kvöldið fórum við svo á besta kaffihúsið í bænum, Marimbu og hittum fleiri vini þar. Frábær helgi!

verst að það séu samt ekki til neinar myndir af okkur að spila.

Mjög típísk helgi í Altata helgina áður, í húsi foreldra hostpabba. Fer eiginlega í hvert einasta sinn í kite-tíma, síðast var ég að láta hann draga mig í vatninu útum allt hah

Náttúrulega heitt vatn! hahah. samt alveg magnað, botninn er bara risa stór grjót og vatnið kemur bara..upp úr jörðinni. En það er náttúrulega engin útiaðstaða hér án þaks.

Desember og rétt framyfir nýjár

Jæja. Loksins komið að því. Ætlað fórna mér í þetta verkefni bara. Enn og aftur byrja ég á því að segja að þetta verður mjög langt...verð nú bara í alvörunni hissa ef einhver er að lesa þetta hahaha en ég er bara þannig að ég vil frekar gera þetta almennilega, taka minn tíma og fara kannski full náið í hlutina, en ég meina fólk les bara eins og það nennir(ágætt fyrir fólk sem er andvaka hehe), OG  minni á það að spurningar og athugasemdir eru vel þegnar til að ég viti líka hvað vantar í þessar færslur mínar.
            Það er allt gott að frétta af mér hér í Mexíkó, alltaf nóg af fólki til að kynnast, nóg af hlutum til að gera (nýjum sem gömlum), en mér líður eins og ég þekki þetta allt núna og viti alveg hvernig allt eigi að vera gert í sambandi við rotary og svona. Auk þess eru þetta bara æðislegir sumardagar í röðum. Man ekki hvenar ég var í rigningu síðast til dæmis..himininn er aldrei gráleitur af skýjum eins og á Íslandi í rigningardögunum (þó hann var ansi grár af mengun í Mexíkóborg en það er annar handleggur), það er aldrei ennþá myrkur þegar ég er á leiðinni í skólann á morgnana fyrir klukkan 7, og það er það fínt veður á kvöldin að við borðum oft úti og spjöllum (hjá nýju fjölskyldunni). Maður er aldrei að flýta sér, alltaf nægur tími til alls, ekki sami æsingur í mönnum og þessi sem alltaf virðist vera heima fyrir-og ég er alveg löngu búin að smitast vel af þessu og allt í einu er ég með þolinmæði sem aldrei kom fram á Íslandi-en NB að það þýðir þó ekki að fólk ‘geti’ ekki verið stundvíst, ef það er eitthvað í sambandi við vinnu eða skóla osfrv er flest folk stundvíst, en bara svona yfirhöfuð ekki í jafn miklum flýti. Fólkið er yfirhöfuð lífsglatt hérna og ánægt bara. Ég þarf aldrei (fæ aldrei hah) að opna hurð né halda á einhverju ef vinir mínir (karlkyns) eru einhvers staðar nálægt! Æðislegur matur, frábært úrval af ávöxtum en ég mun sakna þess að fá mér ferskar kókoshnetur og ég veit ekki hvað og hvað…Við skiptinemarnir erum strax að stressast yfir því að við erum strax búin að vera helming dvalarinnar een það gerir það bara að verkum að maður er meira að hugsa um að njóta sín hér J

            Hér á eftir koma hinir og þessir punktar um undanfarna daga og vikur, en reyni að setja þetta þannig upp að fólk geti bara skrollað og lesið það sem vekur áhuga haha. Ég las margar færslur í dagbókinni góðu þannig að þetta kæmi betur aftur til mín J ættuð að geta elt stóru orðin til að sjá hvað er merkilegt osfrv

Desember leið frekar mikið öðruvísi en mánuðurnir á undan. Við hættum í spænskutímum í nóvember (er enn ekki búin að fá útúr loka prófinu mínu!) en þar sem að við Johann forum strax til Guadalajara og var almennt eitthvað mikið í gangi fann maður ekki fyrir það miklum mun strax. En í síðustu viku Nóvember hætti ég svo í skólanum líka (þar sem að lokaprófin voru byrjuð) og þá hætti maður allt í einu að hitta fólk daglega ! Ég var samt dugleg og sneri sólarhringnum ekkert við strax, byrjaði á fullu í boxi sem er það nálægt exhúsinu mínu að ég skokkaði bara þangað og heim og minnsta mál. Allir hressir í gymminu og ánægð að þekkja nógu vel til í þessu til að geta nýtt mér það að hafa boxpúða inni hjá mér núna J Á afmælisdaginn hans Hjalta kom nýr meðlimur í fjölskylduna sem var hundurinn Donna. Skrýtin tík bara..okkur kom ekkert allt of vel saman, fyrst hrædd við ALLT en er svo farin að spretta útum allt og þó hún viti að hún megi ekkert pissa inni er það það fyrsta sem hún gerir þegar  henni er aftur hleypt inn…Brian var líka heima meiri hluta desember, svona yfir hátíðarnar. Mestallan desember var síðan svona ‘ferða-tívolí-eitthvað’ þar sem að er auk þess fólk að sýna alls konar hluti sem það er að selja, gera hvort sem það eru dýr, matur, hlutir eða bara það sem þér dettur í hug. Ég sá náttúrulega bara ekki sólina fyrir stærsta tækinu og gat ekki annað en farið! Var himinlifandi þegar einn frændi minn sem var að hjálpa systur sinni með eina svona ‘sýningu’ sagði mér að hann hafði alltaf verið að leita af einhverjum til að fara með sér þannig að við skelltum okkur saman! Alltaf er þetta æðislegt adrenalín sem kemur! Jólaundirbúningur í desember var heldur dapur í heild. Hátíðarnar hér eru ekki jafn mikilvægar fyrir mexíkönum og fyrir íslendingum yfirhöfuð – þetta er meira bara tími fyrir verslanir og fyrirtæki að setja upp risa auglýsingar fyrir hitt og þetta en að fólkið sjálft sé eitthvað mikið að pæla í þessu – enda er veturinn þeirra bara voða þægilegur og fínn miðað við hvað það getur verið erfitt að reyna að komast í gegnum hann á Íslandi stundum, svona allavega haustönnina. Sett var upp jólatré (eitthvað var ég búin að nefna það í síðustu færslu)og við skreyttum aðeins niðri – sem og ég skreytti herbergið eins og ég gat með jóladóti sem ég fékk að heiman og músastigum sem ég bjó til, en þessi jólapakki sem kom á réttum tíma bjargaði mínum jólum, það er alveg á hreinu. Ég bakaði eina uppskrift af smákökum sem heppnuðust svona eiginlega en var æði að fá þær samt. Var dugleg að æfa árlegu íslensku jólasálmana á píanóið sem mér fannst líka æðislegt! Kom hátíðinni í blóðið.Ég var líka dugleg við að horfa á hinar og þessar jólamyndir þetta árið sem var bara þægilegt eftir langa boxtíma..Annars fór ég á nokkrar jólasamkomur hér: helgileikurinn settur upp í barnaskóla (hér er venjan að færa hann í annan búning – ekki alltaf bara alveg eins (eins og gert er heima)) með sætum púns(með ávöxtum og fínerí) og tortillum steiktum og baðað upp úr sýrópi (bragðaðist ALVEG eins og laufabrauð í sýrópi hvernig sem það mundi smakkast, án feita bragðsins) (bara dæmi um eitthvað jóla-matartengdarhefðir héðan); jólaskemmtun í skólanum sem voru eins og litlu jólin í flataskóla án pakkaskiptanna en með DJ að blasta nýjustu partý og klúbbatónlistinni...; og svo jólaboð fjölskyldunnar allrar. Það var haldið í húsinu okkar og bara voða fínt J borðuðum úti, en svo er venjan hjá þeim að allir gefa einum gjöf – en það er bannað að segja frá – þannig að þeim var öllum svo safnað saman á borð fyrir utan og síðan átti einn og einn að taka upp gjöfina sína, og byrja á því að lýsa persónunni sem þeir eru að gefa gjöf þangað til að það er orðið ljóst. Þetta er voða sæt hefð en eini pakkinn sem þau fá fyrir utan gjafanna innan nánustu fjölskyldunnar – og þá gefa systkini varla milli sín, vinir gefa ekki hvor öðrum og auk þess fá mjög margir jólagjöfina frá foreldrunum einhvern tíman fyrirfram á árinu – hversu glatað hahah. Jólin eru nú bara einfaldlega best með sér og sínum heima á Íslandi. Ég held að ég sé nú þegar búin að segja flestum  hvernig jólin voru hjá mér hérna úti þannig ég fer bara fljótt í það hér. Ég var nú bara orðin spennt og bjartsýn alla daga fram að aðfangadag...Ég náði góðri skype-stund með familíunni um morguninn (deginum þeirra) sem var voða fínt J Fór í leyniferð í Wal-Mart og keypti jólagjafirnar og pakkaði þeim inn. Svo fórum við út að borða á kínverskan veitingastað svona í kringum 5 leytið. Allan daginn varð mér síðan hugsað heim hvað þau væru nú að gera einmitt á þessari stundu..

Komum heim akkúrat nægilega snemma til þess að ég gæti skellt mér í jólakjólinn, náð mér í möndlugraut sem hún Cecy(exmamma) var svo almennileg að gera að minni ósk fyrir þennan dag, og setja hátíðlegustu tónlistina sem ég átti í gang á slaginu 6. Sat ein niðri í borðstofu að reyna að gera sem best úr bara..fjölskyldan kom svo á skype-ið 10 mínútum seinna og það var frábært að fá að heyra í þeim og opna nokkrar gjafir til að reyna að láta manni líða betur. Jólaboðið hér var nú ekki fyrr en um hálf 11 leytið og var ég í mínu fínasta – en það var alls ekkert þannig hjá öllum, einhverjir bara kátir í gallabuxum en hvað um það. Borðað var á mismunandi tímum, af pappadiskum með plasthnífapör, niðurskorinn hrygg og kalkúna auk afgangspasta frá jólaboðinu um daginn. Þetta var bara með eitt af erfiðari dögum lífs míns ætla ég að leyfa mér að segja. En það var nú bara þessi dagur. Hef aldrei grátið jafn mikið á sólarhring. Á jóladag svaf ég síðan bara lengi, fjölskylda Aaróns (expabba) kom við í heimsókn (aðfangadagur var hjá fjölsk Cecy) en hresstist svo aðeins um kvöldið þegar við fórum á disney skautasýningu þar sem hvaða mynd á fætur annarri var sett upp frábærlega miðað við gæði aðstæðna! (má þá nefna toy story, aladdín, grease og mjallhvít) EN jájájájájá Ferðir sem voru farnar á þessum tíma voru ekki af verri endanum! Fyrsta ferðin var með klúbbi Rotaract Navolato til Navolato (navoyork hah), en fengum far með þeim og sátum aftan á pallbíl eins og venjulegt er haha. En í Navolato er vægast sagt lítil lögreglugæsla og talinn frekar hættulegur staður þannig séð. Hins vegar er hann mjög lítill, en byggðin kom til vegna sykurverksmiðju. Við vorum þarna til komin útaf einhverjum viðburði rótarí til kynningar skiptinemaprógramsins og vorum öll í jökkunum okkar og allir með sína bása með löndunum sínum! Ég tók með bæklinga og íslenska fótboltalandsliðsbúninginn en fannst alveg fyndið að þau gerðu svona smá plaköt með einhverju sérstöku frá hverju landi(eiffel turninn, carnival-in og jesú styttan frá brasilíu oþh) en það eina sem var af íslandi (fyrir utan kort) voru litlir ljótir torfbæir! Hahah ok ein mynd af jökulsárlóni reyndar. Fórum svo eftir fjölmargar myndatökur og eiginhandaáritanir að fá okkur að borða á kínverskum/sushi restaurant sem var bara fíntJ Þá fór ég með Rocksteady Times (fjölmenna hljómsveitin sem ég fæ að æfa með og spila J) til ‘töfrabæjarins’ el Fuerte en það var bara frábær ferð! Fannst æðislegt að kynnast þeim betur og þessi bær er æði! Vorum á ótrúlega sætu hóteli (MEÐ BESTU RUGGUSTÓLUM Í HEIMI) og fórum í mat heim til eins bæjarbúa í ceviche (alveg í uuuuppáhaldi héðan) en svo fórum við líka í göngutúr meðfram ánni þar sem einn stakk sér bara útí! Bærinn er fallegur, litríkur og rólegur með ótrúlega hæfilegt veður J . Skýrður eftir virkinu sem er efst á hæðinni og er í hópi ‘töfrabæjanna’ sem þýðir bara að þetta sé staður sem að vert er að sjá í rauninni. Við spiluðum svo fyrir bæjarbúa á torginu þeirra við hlið kirkjunnar, ráðhússins og bæjargarðsins og var okkur bara vel tekið. Um kvöldið vorum við svo bara úti við ána í rólegheitum og spjallandi, og bættist svo söngur við þegar menn drógu fram harmonikkurnar og gítarinn! Æðislegt kvöld og ferð bara í heild! Þriðja og stærsta eða fyrirferðamesta ferðin var sú til D.F. í Mexíkóborg. Ég gat nú bara ekki valið ferðina á betri tíma og er bara svo himinlifandi með þessa ákvörðun, frábært til að koma huganum annað. Auk þess var Herta líka þar yfir áramótin þannig að við náðum að hittast *<:D. Hún Rocíó kom að sækja mig á flugvöllinn, en það fyrsta sem ég sá þegar þaðan var farið var stóra mengunarskýið sem hékk yfir borginni! Það búa 20 milljónir manna á þessu svæði en ég var samt ekki búin að gera mér grein fyrir þessu! Mexíkóborg er líka mun meiri stórborg en ég hélt – alls staðar eru hraðbrautir (þó á 2.hæð sem er nokkuð nett) – en ég hélt að hún ætti meira af sætum krúttlegum göngugötum...hafði ekki alveg hugsað dæmið til enda..En Rocío og fjölskyldan er bara ein indælasta fjölskylda sem ég hef hitt! Þau eru algjör æði og strákarnir þeirra algjörar dúllur! – og ekki má gleyma hundinum, sem er besti hundur sem ég hef kynnst í Mexíkó. Það sem við gerðum kemur bara í lista, en það eru komnar myndir frá ferðinni (og í raun öllu sem er í þessu bloggi þannig ég ætla ekki að setja inn myndir neitt núna)

-      - við fórum í hverfi sem kallast Coyoacán (kennt við úlfa) og röltum um og fengum okkur elote og Rocíó gaf mér þessa fínu peysu!! Um kvöldið var svo farið upp í WTC og horft yfir borgina í náttmyrkrinu, óóótrúlega endalaust stór!

-      - Matias fannst mér nú koma mér á fætur frekar seint klukkan hálf 10..hahah en þann daginn var svo haldið til Píramídanna, sem var ekkert smá flott! Fengum okkur guide, keyptum hatta, klifum stóra píramídann, fórum inn í aðrar rústir af öðrum sem var byggður svona undir jörðinni. Fórum svo á annan stað til að skoða muni og drykki frá svæðinuJ

Um kvöldið var síðan kynnst traffíkinni (ooj barastaa!) vorum 2 tíma á leiðinnni í miðbæinn (hreyfðumst 10 cm á minutu) og vorum síðan bara stutt í bænum útaf öllu fólkinu og þá var bara alveg eins heim!

-       -  Þá var haldið á stóra fornleifafræðisafnið sem var mjög áhugavert! Endalaust af hlutum og ég lærði líka helling – en ólíkt venjulega þá las ég mun meira um hlutina í stað þess að horfa bara og skoða hvað mér finnst flott. Fannst líka alveg magnað í öllu þessu hvað teiknimyndin El Dorado er bara ótrúlega góð kennsla um hvernig þetta var! Hún inniheldur ALLT !

Fórum svo í kvöldið í hverfi sem heitir Santa Fe, en það er svona ríkasta hverfið – fullt af skýjakljúfum oþh.

-      - Daginn eftir hitti ég svo Hertu en við skruppum um borð í einhverja báta og í garð þarna rétt hjá og í hjólabíl og hjólabát! Við töluðum alveg eendalaust (fékk samviskubit þar sem að þau hin skildu nú ekkert) en þetta var æðislegt! Samt leið mér hálfskringilega..eins og ég væri bara að hugsa upphátt eða eitthvað hahaha. Síðan fórum við í annað svona sætt hverfi sem heiri SanAngel og um kvöldið voru bakaðar myndakökur með strákunum :D

-      - Á Gamlársdag var farið til bæjar sem heitir Cuernavaca og er svona staður þar sem fólk á ‘helgarhús’. Alltaf gott veður og góður mórall. Fórum á hótel að sækja fólk sem þar var og eyddum deginum í sundlauginni þar J Ég las helling og svo var spilað um kvöldið, var svolítill sumarbústaðarandi yfir þessu þar sem við vorum mörg – fjölskylda Rocío (eiginmaður og 2 strákar), systir hennar og fjölsk (eins) og síðan bróðir hennar og fjölsk (eiga lítið barn) og móðir þeirra. Fannst frábært að fá að hringja heim síðan rétt eftir miðnætti Íslands, en var auk þess mjög ánægð hvað mér tókst alveg að gleyma mér þennan dag, var mjög ólíkt aðfangadag!

-      - Á nýjársdag hélt ég svo í veislu til fjölskyldu Hertu en það var bara meiriháttar fjör! Johann (þýskaland) kom líka við sem var bara fínt J

-       Næsta dag var síðan haldið í últramegatívolíið 6flags en sú ferð var bara fyndin J enduðum á því að koma heim í nýjum buxum þar sem að við höfðum gegnvætt okkur á kolröngum tíma!

-      - Daginn eftir sváfum við íslensku til klukkan að verða fjögur en eitthvað fann ég að að ég væri nú að verða veik, og fór því ekki með á flugvöllinn til að kveðja systur Rocío og fjölsk(búa í englandi, buðu mér í Au Pair hvenar sem ég vildi!) heldur varð eftir í húsinu og svaf...

-       Síðan var bara komið að heimför daginn eftir og var frekar leiðinlegt vesen á flugvellinum en hvaaað um það.

Þetta á nú að vera yfirdrifið nóg eins og venjulega, en ég kom ekki nærrum þvi öllu fyrir þannig að næsta blogg (sem kemur þá eftir Guadalajara, en er að fara núna á fimmtudaginn) verður líklega líka svona yfirdrifið..). Elska og sakna ykkar alveg endalaust og hlakka svo til að sjá ykkur !

xoxo

ógeðslega svekkjandi blogg

bráðabirgðablogg fyrir fólkið sem var orðið eitthvað spennt..
síðasta blogg var fyrsta desember, setur fullmikla pressu á þetta! þarf að velja úr og svona allskonar, en núna er ég loksins búin að klára að skrifa alla dagana í dagbókina þannig þetta ætti ekki að taka aaaalltof langan tíma, een tekur samt langan tíma, og þar sem að klukkan er orðin 12 núna þá held ég að það sé nú betra að ég geri þetta almennilega á morgun í staðinn fyrir að vera hálfsofandi núna..
annars bara pirrandi með þjóðverjana en er mjög spennt að sjá hvernig mun ganga í hinum leikjunum!
pirrandi líka að myndavélin mín virðist hafa farið í fýlu þar sem hún vill ekki kveikja á sér..:/
Einhverjir verða ef til vill spenntir við það að núverandi hostmóðir mín leist voða vel á þetta skyr - og ætlum við að leggjast í skyrgerð á morgun! ég vissi ekki að maður gæti gert það sjálfur en ég er bara mega spennt! þetta er nátturulega það sem ég sakna þess mest að borða frá íslandi!
Annars er Moses búin að vera nauðgað í spilaranum mínum ásamt Friðriki Dór, en er núna líka í spilaranum í bílnum enda flottur diskur þar á ferð :)
mikið búið að vera í gangi þannig vona að þið hafið enn meiri þolinmæði!
næ btw vonandi að kvarta í póstinn á morgun..
kv Eyrún

Við nýju feðgin flott í maraþoninu

var æðisleg útilega!

smá jólastúss :)

Er búin að skreyta inni hjá mér, vantar bara seríu og þá er allt orðið æðislegt :) annars var ég að byrja í boxi og er farin að æfa mig á hverjum degi fyrir þá sem það vilja vita ... 
Hafði mjög gaman að því að ná ykkur svona mikið á skype undanfarið og veit að það mun líklegast eitthvað fara aukandi í desember þar sem að ég er í frííííiiii ! Hér eru komin jólaljós útum allt og allt bara kósí. Jólatrén ekki alveg jafn 'fallega' skreytt samt en þau eru sæt. Annars bara stuttur bútur frá deginum í dag..


Ég var bara önnum kafin með móður minni hérna úti í dag. Bókstaflega. Byrjuðum á því að fara út og gera fullt að hlutum sem við þurftum að gera, þ.á.m. að kaupa jólatré ! Komum svo heim (við tvær bara) og byrjuðum á því að setja upp jólatréð, borða, fórum svo að skreyta það með jólatónlist undir og svona, allt voðalega kósý. Nema hvað, finnum við ekki dót til að byrja að skreyta húsið svona hér og þar - og þá fannst kransinn til að setja á útidyrahurðina! Þannig að ég fer og set hann þar sem hann á að vera, og við vorum eitthvað að sjá hvort hann væri nú ekki örugglega í miðjunni, þannig að hún Cecy skutlast út svona að eins lengra í burtu og ég loka hurðinni svo að við sjáum hann nú betur kransinn. Hún las svo (það sem stendur á honum) Welcome! og ég vá gracias! og tók í hurðahúninn. Þá var hurðin læst. Höfðum læst okkur úti! og vorum úti í 2 og hálfan tíma að bíða eftir Aaróni! hahah vorum þarna úti, fundum svo út að bíllinn væri opinn og sátum þar inni og spjölluðum og tókum til í hanskahólfinu osfrv...vorum ekki með síma, vorum með kannski 500kall í peningum, og auk þess var hún bara í inniskónum sínum þannig við vorum ekki að fara að fara neitt (það er veitingastaður fyrir utan privöduna okkar sem hefði kannski verið fínt að fara á - en við vorum búnar að borða..) svo vorum við búnar að dvelja í kannski 5 mínútur í húsi nágrannans þegar hann loksins kom! og þá vorum við eiginlega of þreyttar til að halda áfram í jólaskreytingunni þannig að við ákváðum að fresta þessu til morguns. high five!

verður allavega ekki alveg svona fallegt :)

xx


ps lýsi enn og aftur yfir endalausri hamingju og ánægju með pakkann sem ég fékk um daginn !
ást og friður

nóvember part 2

Guadalajara, Guadalajara...

Tienes el alma de provinciana
hueles a limpia rosa temprana,
a verde jara fresca del rio,
son mil palomas tu caserio,

Guadalajara, Guadalajara
hueles a pura tierra mojada.

Mér ber að taka fram að hér sleppi ég öllum atriðum sem skipta í raun engu máli (eins og að við fórum að fá okkur að borða í hádeginu osfrv osfrv) JBC

Byrjuðum ferðina í bestu rútu sem ég hef farið í ! vorum ekkert smá ánægð í þessum lúxus sofandi yfir nóttina. Komum um 8 leytið og það var ískalt úti! (saknaði Íslands þegar ég sá allt í einu rakann sem ég andaði frá mér...) Vinur Johanns kom að sækja okkur, en dagurinn var frekar rólegur (flestir höfðu skóla en við Johann vorum bara í rólegheitunum í húsinu hans Rodrigo) - en fórum samt í einn almenningsgarð sem er í raun hálfgerður skógur sem var bara gaman. Um kvöldið skutluðu þeir mér svo til Brians bróðurs.

Daginn eftir héldum við 'systkinin' í góða bæjarferð! Gengum allar fallegustu göturnar í bænum og skoðuðum helstu mannvirki oþh (þau sem við höfðum þá ekki séð í tourbus-unum tveimur frá síðustu ferð hah) og var bara æðislegt veður (eins og alltaf er þarna, eins og bestu sumardagarnir á Íslandi) og fínerí! Um kvöldið komu svo strákarnir (Johann(þýskaland) og vinir hans(mexikó)) að sækja mig (en ætlaði að dvelja þar þangað til að Brian væri alveg búinn í prófunum sínum) og héldum við út að leita að hjólaviðburði (fullt af fólki fer út að hjóla og götur lokaðar osfrv), en við ætlðuðum öll að leigja hjól. en allt kom fyrir ekki þegar við fundum aldrei hjólin! Komum okkur í staðinn fyrir á huggulegum veitingastað/bar þarna í nágreninu, svo var bara haldið heim í hús.

þetta er séð frá fallegri torgunum, en þarna er beinagrind í flottum búningi (í tilefni dag hinna dauðu)

*(myndirnar eru eitthvað aftur að stríða mér á tölvunni þannig ég get engu lofað um hvenær þær kom allar á facebook..)

Næsta dag var spiluð Lauma frameftir degi, en í aðeins 'meiri' útgáfu en allir í góðu skapi þannig það var bara gaman að þessu (pendejo á spænsku, 3 lime á borðinu(ef fjórir spila - einnig er tússpenni nálægur) en ef þú nærð ekki þá færðu bara staf - í andlitið)

um kvöldið var svo haldið eitthvert í bæinn að skoða og var bara gaman!

Þá var haldið daginn eftir í heimahús vina í svona rólegt tjill eitthvað sem var mjög gaman, sátum úti á verönd (ég lá samt mest allan timann í hengirúminu hehe) enda alltaf skemmtilegt að kynnast fleira fólki og svoleiðis. (ok er ekki alveg að standa mig í að sleppa atriðunum sem skipta engu en mér er svo sem sama)

á laugardaginn fór ég til Brians, en þeir hinir fóru að skoða smábæinn Tequila sem er rétt hjá. Við Brian héldum hins vegar í öðruvísi bæjarleiðangur, en við fórum að skoða fullt af götumörkuðum sem var mjög gaman! Hef nú yfirhöfuð alltaf haft gaman að þessu í útlöndum, en þar er alltaf einhver til að segja æ nú er komið nóg, förum eitthvert....eeen þarna vorum við bara að skoða lengi (og kaupa) aaalls konar dót! bara gaman að því. 

Myndirnar teknar í markaðnum sem er á fjórum hæðum, inni, en vinkona okkar hún Björk kom þar við á sínum tíma

Kíktum líka við í Zapopan (eitt af fjölmörgu suburb-unum frá Gdl) sem er rosa krúttlegur, fékk mér djúpsteiktan banana og eitthvað fleira skemmtilegt. Hittum líka á stóran danshóp sem var að sýna einhverja indíána dansa fyrir utan kirkjuna sem var flott. Þar sem að Of Montreal tónleikunum hafði verið aflýst um kvöldið, fundum við bara í staðinn aðra tónleika með mexíkóskum böndum sem var bara gaman! 

sést aðeins i danshópinn fyrir neðan..(zapopan)

Molotov (hálfgert rokkrapp, en einstaklega skemmtilegir textar hahah)

Þá var haldið til Chapalpa næsta dag! En það er stærsta stöðuvatn landsins. Og ótrúlega fallegur og huggulegur staður! Veðrið alveg eins og það gerist best, rólegur og vinalegur bær og ég veit ekki hvað og hvað. Röltum um bæinn og meðfram vatninu og kíktum á götumarkaðinn þar sem eitthvað var að sjálfsögðu keypt, þar á meðal Elote og mjög góðan ávaxtasafa í bamboo glasi! Á leiðinni heim stoppuðum við svo í Tlaquepaque (annað suburb frá Gdl) þar sem við gengum flottu göngugötuna og fórum á aðaltorgið og svona (frekar mikið fólk og eins og oft mikið af sölubásum og fólk að sýna eitthvað sniðugt)

sátt með bambúinn!

lýsir bara andrúmsloftinu í Chapalpa

krúttlegt mariachi band í Tlaquepaque (litlir strákar með :) )

Á mánudeginum héldum við til Tapalpa (fjallabær í svolítilli fjarlægð) með hinum strákunum og var það bara fjör! þegar við komum héldum við strax til að sjá risa steinana sem eru þarna af einhverjum ástæðum en þegar við sáum hestaleguna var ekki aftur snúið. Flott landslag og góðir hestar, en hattarnir gerðu gæðamuninn. Um kvöldið fórum við svo í sjálfan bæinn og settumst við niður á torginu þar sem að einhver samkoma/skemmtun var í bænum í tilefni af byltingunni (16.nóv held ég-fyrir hundrað árum) þar sem að flott tónlistaratriði komu fram. Fannst líka alveg gaman að því þegar strákarnir voru að skjálfa úr kulda að leita að heitu kakói að drekka þá kom ég bara við í ísbúðinni C

kunnum alveg að vera kúrekar ef út í það er farið haha

Á þriðjudaginn ákváðum við Brian svo að skella okkur í Selva Mágica (sem ég var búin að heyra að væri tívolíið í bænum) og í dýragarðinn. Þegar að við loksins komum þangað eftir klukkutíma umferð oþh vesen og vorum búin að kaupa frekar dýra dagpassa komumst við að því að þessi garður væri fyrir fólk í kringum..8 ár. haha röltum um garðinn prófandi hin og þessi tæki, hvort sem það var 'krúttlegur' rússíbani eða 5 metra fallturn.. (gátum ekki prófað öll þar sem að sum höfðu takmörk fyrir því hversu hár í loftinu þú máttir vera...) en við fundum að lokum 2 sem voru ágæt og hengum bara í þeim...(en þar sem við vorum á þriðjudegi í miðjum nóvember voru e n g a r raðir!

Báturinn góði!

útsýni yfir garðinn og Guadalajara

en það hefði verið góð ákvörðun að fara fyrr yfir í dýragarðinn, en hann var mjög flottur, hvít tígrisdýr klikka ekki. Mesta feilið var þó að ákveða að 'kíkja inn' í eitthvað safn í miðjum garðinum (vorum orðin tæp á tíma) en karlinn var bara svo ánægður að fá okkur að við ákváðum bara að slá til. Við héldum hins vegar að þetta væri bara svona eitthvað lítið til að ganga rétt í gegnum een svo var ekki. ætla bara að segja frá í punktum:

- hann kynnti fyrir okkur safnið (markmiðið að bera saman dýrin og manninn)

- horfðum á 5 min myndband.

- héldum niður til að bera saman mataræði okkar og górillunnar í garðinum.

- fórum í tæki til að sýna okkur hvað það yrði erfitt fyrir okkur að fljúga (þetta var alveg stórkostlega pínlegt að vera tvö í hóp þarna, sitjandi á einhverjum stólum með vængjum sem að maðurinn hækkaði svo upp í 3 metra hahahah)

- hann sagði okkur frá því hvað það getur verið erfitt fyrir dýrin að para sig þegar þau lifa langt í burtu frá hvort öðru og við tók eitthvert samstæðuspil (enn og aftur pínlegt að horfa á okkur ýta á einhverja takka á einhverju korti - áttum að ná öllum pörunum á 3 mínútum (sem liðu eins og 15...))

- þá vorum við nú alveg komin með nóg og ég reyndi bara eins lúmskt og kurteisilega og ég gat að segja að safaríið væri alveg að fara að loka og við yrðum að drífa okkur! (sem var satt, enda vorum við ekki hálfnuð á þessu safni!)

Héldum í Safari þar sem að voru fullt af flottum afrískum dýrum. Eignaðist vin sem var Gíraffi og vildi bara borða úr höndinni minni sem var mun áhugaverðara en það hljómar hahah (litlu börnin í sömu ferð næstum því farin að skæla hehe). Reyndum svo að sjá sem mest á þessum litla tíma sem við höfðum og héldum svo heim. Fórum í hús strákanna, en Brian þurfti að gera heimavinnu þannig að hann skildi mig eftir þar og svo ætluðum við bara að sjást á rútustöðinni um kvöldið. Við hin héldum hins vegar í afmæli á veitingastað sem var bara kósí og gaman og svo var bara haldið heim!n

dýravinurinn

í réttu ljósi

með flottustu dýrum í heeimi

dýr að kúka 

Ég er annars bara búin að ákveða að ég ætla að reyna að njóta þess bara sem best að fá að upplifa alvöru mexíkósk jól, þau íslensku taka bara á móti mér aftur á næsta ári (en samt ekki slæmt að fá þau íslensku beint í æð þegar ég vakna á aðfangadag! (DE: mun vakna extra snemma til að ná að syngja með þér í kvöld jólin eru að koma fyrir kl 6!)

btw keyptum ferskar, nýbakaðar, alvöru alvöru tortillur (hveiti) um daginn sem eru æææði! þær minntu mig samt fyrst á laufabrauð! :( mig langar í laufabrauðargerð :(

Er búin að vera á fullu að stússast seinustu daga til að gera pakkann sem ég mun senda heim tilbúinn en hann er alveg flottur..

Átti líka frábæra helgi (gisti hjá Violu(þýs) yfir hana alla) en fórum í skemmtileg partí (annars standa þau bara yfirleitt alltaf fyrir sér, og er að sjálfsögðu nóg af þeim hér) og byrjuðum að taka fyrstu skrefin í kite-surfi (sem var ekkert smá gaman!) og bónus að fá alla kettlingana um kvöldið! 

Svo var Paula að segja mér að við færum í jólafrí 3.desember ! það yrði alveg ææðislegt!

Þetta ætti nú alveg að duga bara fram að jólabloggi eða eitthvað álíka! heimta allavega smá frí frá bloggbeiðnum eftir þetta ótrúlega of langa bloggi sem ég gubbaði uppúr mér(hafið samt enn rétt á að heimta að fá myndirnar) en bara njótið!

PS takk enn og aftur fyrir æðislega pakkann minn! (þeim fannst þetta allt mjög gott!)

nóvember part 1

jess loksins annað blogg til að gleðja ykkur. Það er aldeilis hellingur búinn að gerast frá því síðast og ég bara veit varla hvar ég á að byrja, en ætlað stikla vel á stóru og sleppa alveg slatta hah :) 
lol jk
alveg er ég að vera góð að standa við orð mín núna...er að deyja úr þreytu og klukkan er orðin hálf 1 - vakna fyrir 6 á hverjum morgni fyrir skólann....(og jájájá skal bara drífa í part 2 eins fljótt og ég get..vonandi kemur það áður en næsta harry potter kemur allavega)
þetta er semsagt frá því áður en ég fór til Guadalajara! býst við að skrifa næsta blogg fyrir helgi :)
Ég mun hins vegar ekki geta annað en að sleppa slatta og skrifa þetta í punktaformi...vona að þetta verði ekki bara ein desmadre hérna en sjáum til (part 2 verður massífara held ég, en finnst ég alveg búin að skrifa nóg í dag(átti alveg eftir að skrifa um Gdl í dagbókina þannig ég átti mikið eftir...)

- Síðasta blogg kom um það leyti sem ég hafði verið í þægilegheitum í la primavera og hafði það rosa gott þar. Er annars fastagestur í húsi Violu - þau eru eiginlega eins og fjölskylda nr 2 fyrir mér heheheh LOL þau eru það bókstaflega. En ég er mjög ánægð með það, verður bara gaman og spennandi að skipta!

- Annars erum við Johann líka bara mjög góðir vinir! he's like the brother i never had.....(haha lol jk, sindri er og verður alltaf #1) stundum þá skreppum við bara niður í miðbæinn í rólegheitunum og gerum bara það sem okkur dettur í hug. Um daginn varð t.d. fyrir valinu að fara á hjólabát á ánni sem var mjög skemmtilegt !

- Í lok hvers mánaðar í skólanum mínum þurfa krakkarnir að taka kaflapróf og október var engin undantekning -  hins vegar lærði ég í fyrsta sinn undir 1 stk svoleiðis og gekk síðan bara vel í prófinu! (meina...á ekki einu sinni bókina, en verst að einkunnin er gefin líka með heimavinnu og hvað maður gerir í tímum osfrv..hehe)

- Einn daginn bauð Miguel (brasilía) okkur að koma með sér á Rotaract fund hjá sér (en það er rótarí klúbbur fyrir ca 18-30 ára fólk, oft fólk sem sjálft hefur farið sem skiptinemi á vegum rótarí og skipuleggja ýmis verkefni) sem var bara gaman :) minnir samt að það hafi bara verið við Miguel og svo þjóðverjarnir, en fékk t.a.m. að sjá húsið hans Miguels (sem var rosa fínt - en ég hefði samt ekki meikað að setja upp jólatré og skreyta það í miðjum október..) og var bara gaman á fundinum að kynnast þessu fólki og verkefnum þeirra

- Þá ætti ég líka að nefna rótarí-eventinn sem við vorum skyldug til að mæta á hahah (alveg getur hann Morales kallinn bullað) þetta var sem sagt samkoma fullt af klúbba sem voru að selja mat til styrktar klúbbanna, en þetta var svosem ágætt. Lentum í megabombuass viðtali í sjónvarpinu og svoleiðis sem var bara fínt !

matarsamkoman hah

allir sætir fyrir viðtalið

- Um skólanum var svo um daginn Ferias de Ciencias, sem var haldin í sama stíl og el bicentinario - en þemað alveg gjörólíkt! Þetta gekk út á það að krakkarnir héldu sinn bás með einhverju 'merkilegu' vísindalega séð! og komu þau alveg með undarlegustu hluti hahah Einhverjir voru til dæmis með eld sem  hækkaði og lækkaði með takti tónlistarinnar og vökva sem þú getur brotið og látið leka (við Paula(þýskaland) skemmtum okkur konunglega yfir honum...) og alls konar meira..(ættu að vera einhverjar myndir á face, og mun bæta við þær bráðlega)

- Þá var komið að Halloween þessa síðustu daga í október. Fór í fjölskylduafmæli um daginn sem klikkar sjaldan og endaði á því að sleppa sem Jasmín inná skemmtunina. Var bara eins og ball nema úti á muuun stærra svæði en get alveg sagt að þetta var með bestu kvöldunum! var bara í sjokki eftir kvöldið! svoo flottir búningar og góð tónlist og snilldar stemning, og þar að auki fyrsta skiptið sem ég fór út með bekknum! alveg frábært kvöld.

valdi mynd sem að sýndi góða búninga (samt bara random stranger)

- Daginn eftir hélt ég til los Alamos (þar býr Viola (þýskaland og átti held ég btw eftir að greina frá því að sögnin violar á spænsku þýðir að nauðga, enda fær hún alltaf skemmtileg viðbrögð hér þegar hún kynnir sig hahahah)) þar sem að Johann og Viola (þjóðverjar) biðu mín, en það var aldeilis halloween í hverfinu hennar! yfirdrifnar hússkreytingar og við bara röltum um í rólegheitunum (og tókum nammi þegar ekki sást til hinna hehehehe) Fékk líka massífa hugarfarsbreytingu eftir þennan sólarhring með þeim í garð ýmissa landa (fer þó ekkert frekar út í það) en daginn eftir ætluðum við Johann að fara með henni í skólann (í Tec de Monterrey sem er dýrasti og flottasti skólinn og með þeim bestu í landinu - og þar af leiðandi alls ekki líkur mínum) en skólinn hennar er allt öðruvísi! allt svo stórt og bara ópersónulegt en svo flott - ætla að biðja  og spurjast fyrir hvort ég geti ekki fengið að æfa fótbolta þar þegar ég skipti um fjölskyldu (þau búa hinum megin við götuna við skólann). Annars var mesti munurinn hvernig fólkið er. Ekkert þeirra (sem við þekktum ekki fyrir) heilsaði okkur...og það er tilbreyting frá þessum venjulegu mexíkönum (allavega eins og ég þekki þá). Það var líka áhugavert að vera með tvo þjóðverja við hliðina á sér þegar við sáum risastóra mynd af Hitler og á henni stóð EAT KEBAB. Það var sem sagt verið að auglýsa einhverja matarsamkomu..og voru alls konar  auglýsingar sem ég fór eiginlega bara að skammast mín fyrir þeirra hönd að hafa sett upp (en þau útskýrðu líka helling fyrir mér hvernig allt í kringum stríðið er fyrir þau osfrv). Ég kíkti líka í einn tíma hjá föður mínum hér sem kennir í háskólanum þarna, en við þekkjum líka slatta af háskólafólki þarna sem er miklu hressara heldur en fólkið í prepatoria! en bara gaman að sjá muninn.

- Día de muertos. Skrýtinn frídagur. Þau fræddu mig um það hvað leiðin eru eiginlega bara heimsótt 3 daga á ári: mæðra, feðra og el día de muertos. Og þá er engin smá umferð í garðinn! Ég dró þau með mér til að sýna mér og það var aldeilis mikið af fólki! Það var búið að loka götunni fyrir framan og höfðu komið sér fyrir fullt af sölumönnum með básana sína að selja dót til að fara með að leiðinu. Kirkjugarðurinn er allt öðruvísi heldur en á Íslandi, leiðin einhvern vegin svo mikið út um allt...og lítur ekki út fyrir að halda þessarri ró yfir sér einhvern veginn. En þó svo að margt fólkið hér heimsækir leiðin á þessum degi (og í skólunum eru útbúin svokölluð altör (altari) fyrir einhverja fræga sem hafa dáið (minn bekkur gerði fyrir John Lennon)) og því fylgi aaalls konar skreytingar í bænum og bakkelsi þá er fólkið í suðrinu víst ennþá ýktara með þetta, en þar baka þau kannski muffins í laginu eins og hauskúpur og setjast saman og borða þær yfir leiðinu, gefa svo hinum látna eitthvað sem honum á að finnast gott (t.d. pan de muertos) og spila kannski eitt lag eða tvö fyrir hann...


- Viola kom síðan í heimsókn í skólann minn og fékk að upplifa muninn! Skólinn minn er t.d. ekki með universidad (þar af leiðandi meira eins og grunnskóli) og miiiklu minni og bara yfirhöfuð öðruvísi! Henni  líkaði samt víst mjög vel við skólann okkar (enda fólkið þar allt öðruvísi, mun auðveldara að kynnast því oþh)

-síðasta daginn fyrir Guadalajara fór ég svo með Ceciliu í vinnuna hennar, en hú kennir 7-12 ára krökkum í almenningsskóla ensku! aaaaalgjörar dúllur! Kom eins og aðstoðarkennari og fengu þau að spurja mig spjörunum úr (fékk spurningar eins og guad color? (þau þurftu að skrifa þær niður) en elstu krakkarnir vissu mun meira) og kenndi þeim aðeins um Ísland og gaf þeim svo nammi í lokin :) en auk þess báðu þau öll um msn-ið mitt og facebook hahah fannst það alveg best..

krakkarnir að stilla sér upp eftir frímínútur

- tók svo lokaprófið mitt í spænskunni þennan dag (og lærði helling!) og gekk bara vel - en ég á enn eftir að fá einkunn! svo var bara haldið heim að pakka til að LEGGJA AF STAÐ

btw besta rúta e v e r

frh mjööög fljótlega! (vonandi bara strax á mrg)
xxxxx